寵物傳心

撻撻



瑤瑤



由於我要結婚搬家，所以老狗仔撻撻留在家與爸爸及姑媽同住，
而我在婚後亦多添了一隻玩具貴婦狗女瑤瑤。
每當我回娘家吃飯，總愛帶同瑤瑤，希望兩狗狗玩得開心
可惜一新一舊，碰面不甚和平，撻撻不愛跟瑤瑤玩，
瑤瑤就像一隻超級煩的問題少女繞著撻撻轉，令牠發惡。
唉∼難為了主人。
剛巧聽聞有人懂得和動物溝通，
抱著即管玩玩的心態，儲了一堆問題問問兩隻寶貝，希望牠們能和和氣氣相處之餘，
又可以了解一下牠們內心世界，希望可以解開一些謎團。

以下是我提出的一些問題，傳心師給我相對的答案及意見：


Questions for tart tart:

問：撻撻知道我很愛牠嗎？
答：佢知道, 但係佢都仲係未習慣你離開左,唔同佢一齊住. 成日都會好掛住你!

問：如何能令牠開心一點?
答：佢好想你抱佢多d,攬佢多d!! (我個人覺得你要解釋佢知, 你都好愛佢, 要解釋佢知點解要唔同佢一齊住。 要好似解釋畀一個小朋友聽咁, 咩叫結婚, 之後因為有一個新既家庭搬走, 搬走左但係都好愛佢, 人類既世界係咁樣既! 話佢知, 如果佢想你開心, 佢都要好開心咁生活, 如果佢唔開心, 你都唔開心。

問：撻撻憎瑤瑤嗎?
答：唔係討厭, 覺得佢有少少煩, 同埋佢唔明點解 yiu yiu可以同你一齊住, 佢唔可以!!

問：如何可令撻撻喜歡或不憎恨瑤瑤?

 問：嗯, 應該沒有辦法令到 tart trat 鐘意yiu yiu, 但係最好就盡量唔好係佢面前對yiu yiu咁好, 唔好係tart tart面前餵yiu yiu 食野!!
佢答應我盡量會接受yiu yiu。

其實 tart tart 真係都好愛你, 但係西施係比較固執既小朋友, 加上佢應該都好得人喜歡, 佢真係好乖!佢唔習慣有咁既改變! 所以你要每次都解釋佢聽, 你既生活都好開心, 你都會成日掛住佢, 但係因為唔可以再同佢一齊住, 你仍然都好愛佢。 話佢知, 佢成日咁避yiu yiu你會好唔開心, 如果佢係愛你, 希望佢可以接受yiu yiu, 對住佢既時候, 多d諗一d 佢同yiu yiu好 friend既畫面, 然後你會好開心。

Questions for Yiu Yiu:

問：瑤瑤知道爸爸媽媽愛牠嗎?

答：佢知道架!! 仲好得戚!! 知道你地當佢寶貝。

問：點解明明識去廁所都要亂去?

答：佢話佢鐘意。 佢係引人注意, 會唔會係你地li 排都比較忙呢!? 同埋會唔會你地陪佢既時間少左!? 畀少左attention 同 concern佢!? 即係話你地同佢玩既時間係咪仍然都全心全意同佢玩定係都會諗其他野??
有可能係佢開始要求你地更多野。

問：可唔可以乖啲?

答：佢覺得自己不嬲都咁乖!!

問：點解媽媽對你咁好都要咬媽媽？

答：因為佢想去控制你, 所以用li d方法去話你知, 佢大過你。

問：探撻撻時可唔可以乖啲，唔好成日搞住晒同煩住佢？

答：其實佢唔鐘意你咁錫tart tart, 可能係因為你太錫佢既關係, 佢覺得你係佢既,變左佢要去控制你。所以先去搞tart tart。

 問：想唔想要多一隻狗仔陪你生活?

答：睇情況。 佢要睇下係咩狗先得!! 佢會自己揀狗。

其實yiu yiu都比較得戚同野蠻, 佢係好叻, 不過叻過頭打算佢控制你地。同埋佢好識得扮可憐。
所以你地都應該對佢嚴d, 唔好畀佢控制你地, 唔好畀佢命令你地抱/攬/錫!
你要同佢講, 已經畀左最多既野佢, 最多既愛佢, 已經係最多, 冇得再多, 如果唔係佢會貪得無厭!!
由你地去開始同結束遊戲既時間。
如果佢再痾錯, 就當佢唔識, 重頭再train過, 減少佢出錯既機會。
同埋, 你要話佢知你既感覺, 好似佢咬你/ 周圍大小便, 你會好唔開心/傷心, even喊, (要7情上面個d!!) 又要話番佢知, 如果佢乖佢會得到special既野, 好似snacks/toy.

後感：
睇完答案，又好似好準，又好似有啲大路，點都好，
無論呢位傳心師係真定假，我都好多謝佢畀左我好多反思空間，
其實寵物不是玩具，同人一樣有感情有感覺，所以只要你決定接牠回家，就不能放棄！

對於撻撻，我很感激牠沒放棄過我，沒有嬲我，我好開心一直都錫撻撻，牠真的好乖，覺得我走了出去好像欠了牠好多，
我自己反省過，原來我真的忽略了牠，日後會對牠再好些，希望牠的日子都開心啦。

至於瑤瑤，我想我實在太縱容牠了，哈，還要花很多心機去將牠教好呢！